Kaheen se aa jao

Tanha hy meri zaat
kaheen se aa jao
Sun lo meri baat
kaheen se aa jao

Dushman bazi jeet raha hy chupke se
Hony ko hy maat
kaheen se aa jao

Kachi entain or imarat gaary ki
Or us pr barsat
kaheen se aa jao

Dil ki basti pr hy khoof andheron ka
Ho jaye na raat
kaheen se aa jao

Kachi umrain
us pr khwab muhabbat k
Kya kya hain jazbat
kaheen se aa jao

Ankhain rasta dekh rahi hain muddat se
gardish me hain halaat
kaheen se aa jao

Mosam mosam log bdalty hain
Dil pr hain sadmaat
kaheen se aa jao…

Posted in: Poetry, shairi, Shairi Sms